බුත්තල කරවිලකොටුව කඳු රක්ෂිතයේ ගින්නක් – අක්කර 20කට හානි
බුත්තල, කරවිලකොටුව කඳු රක්ෂිතයේ හටගත් ගින්නකින් අක්කර විස්සකට වඩා වැඩි භූමි ප්‍රදේශයකට හානි සිදු වී ඇති බවට වාර්තා වනවා.
පෙරේදා (25) දා මෙම ගින්න හටගෙන ඇති අතර එම ගින්න ඊයේ (26) පස්වරුව වන තෙක් රක්ෂිතය පුරා පැතිර ගිය බවයි ප්‍රදේශයේ ජනතාව පවසන්නේ.
ඊයේ (26) පස්වරුව වන විට ගින්න සම්පූර්ණයෙන්ම පාලනය වී තිබූ අතර ගින්නෙන් රක්ෂිතයේ තිබූ ඉපැරැණි ශාක සහ වනසතුන් රැසක්ම විනාශ වී ඇති බවටයි පොලිසිය සඳහන් කළේ.
ගින්නට හේතුව මෙතෙක් අනාවරණය වී නොමැති අතර මේ සම්බන්ධයෙන් බුත්තල පොලිස් ස්ථානයේ නිලධාරීන් විසින් විමර්ශන සිදු කරනවා.