මඩකලපුවේ මංකොල්ල කන හොරෙක් ගැන CCTV ඔස්සේ පොලීසිය හොයයි
මඩකලපුවේ ඌරණිය ප්‍රදේශයේ නිවසකට ඇතුළු වූ කොල්ලකරුවෙකු වයෝවෘද්ධ කාන්තාවකගේ ගෙලට පිහියක් අල්ලාගෙන, ඇගේ ගෙලෙන් පවුම් 16 තැල්ල කපා, එහි තිබු බයිසිකලයක් සොරකම් කර පලා ගොස් ඇතැයි පොලීසිය පවසනවා.
පොලීසිය සදහන් කළේ පසුව මෙම වයෝවෘද්ධ කාන්තාව තුවාල සහිතව රෝහල් ගත කර ඇති බවයි.
65 හැවිරිදි විශ්‍රාමික හෙද නිලධාරිනියක් සහ ඇගේ සැමියා ජීවත් වන්නේ කොකුවිල් පොලිස් වසමේ ඔවාසියර් පාරේ චින්න ඌරණිය ප්‍රදේශයේ නිවසකයි.
සුපුරුදු පරිදි, ඇය අලුයම 4.00 ට අවදි වී ආගමික නමස්කාරයේ යෙදීම පුරුද්දක් ලෙස කරගෙන යන බව ගෙහිමි කාන්තාව පවසනවා.
ඊයේ (29), සිද්ධිය වූ දිනයේ, ඇය අලුයම අවදි වී, උදෑසන රාජකාරි අවසන් කර, ආගමික වන්දනාවේ යෙදී කාමරයේ දොර විවෘත කරන විට, එහි සිටගෙන සිටින කෙනෙකු දැක, ඒ ඇගේ සැමියා යැයි සිතා ඔහුට කතා කළ නමුත් කිසිදු ප්‍රතිචාරයක් දක්වා නැහැ.
මෙයින් පසු, ඇය කාමරයේ ආලෝකය දල්වන විට, අඩක් දිග කෙස් කළඹක් ඇති මිනිසෙක් ඔහුගේ ඉණෙන් පිහියක් ගෙන, ඇගේ බෙල්ලට තබා, ගෙල බැද තිබූ පවුම් 16 ක තැල්ල කපා, ඔහු එතැනින් පලා ගොස් තිබෙනවා.
