රිය අනතුරකට අත්අඩංගුවට ගත් යශෝධ රංගේ බණ්ඩාර (VEDIO)
පුත්තලම, කරුවලගස්වැව ප්‍රදේශයේ සිදුවූ රිය අනතුරක් සම්බන්ධයෙන් එක්සත් ජාතික පක්ෂ මහලේකම් පාලිත රංගේ බණ්ඩාර මහතාගේ පුත් වන යශෝධ රංගේ බණ්ඩාර පොලිසිය විසින් අත්අඩංගුවට ගෙන තිබෙනවා.
අද (29) අලුයම මෙම රිය අනතුර සිදුව ඇති අතර ඔහු ගමන් ගත් මෝටර් රථය, ත්‍රිරෝද රථයක ගැටීමෙන් අනතුර සිදුව ඇති බවයි පොලිසිය පැවසුවේ.
අනතුරින් ත්‍රිරෝද රථයේ රියදුරු බරපතළ තුවාල ලබා පුත්තලම මූලික රෝහලට ඇතුලත් කර තිබෙනවා.
අනතුර සිදුවන අවස්ථාවේ මෝටර් රථය පදවා ඇත්තේ යශෝධ රංගේ බණ්ඩාර වන අතර ඔහු පොලිසිය විසින් අත්අඩංගුවට ගෙන තිබෙනවා.
මීට පෙරද රිය අනතුරක් සිදු කිරීම සම්බන්ධයෙන් ඔහු අත්අඩංගුවට ගෙන රක්ෂිත බන්ධනාගාර ගතව ද සිට අයෙකු වනවා.