රේගු නිලධාරීන් වෙනුවෙන් අල්ලස් ගත් ඔරුගොඩවත්තේ වාප්පු ලිපිකරු අල්ලස් නිලධාරීන් ගේ අත්අඩංගුවට

ඔරුගොඩවත්ත බහාළුම් පර්යව්න්යේාප්දීපු ලිපිකරුවකු අල්ලස් ලබාගැනීම හා ලබාදීමේ සිද්ධියක් මත අල්ලස් හෝ දූෂණ චෝදනා විමර්ශන කොමිසම අත් අඩංගුවට ගෙන තිබෙනවා.

කඩුවෙල, කොරතොට පදිංචි ව්‍යාපාරිකයකු සිදුකරන ලද පැමිණිල්ලකට අනුව පැමිණිලිකරු ගෙන්වන ලද බහාළුමක් නිශ්කාෂණය කර දීම වෙනුවෙන් රේගු නිලධාරීන්ට ලක්ෂ 5 ක මුදලක් අල්ලස් ලෙස ලබා දීමට මැදිහත්වීම සහ තවත් රු. 329,000 ක මුදලක් තුටු පදුරක් ලෙස අල්ලස් වශයෙන් ඉල්ලා 330,000 ක් ලබා ගැනීම සම්බන්ධයෙන් රේගුවේ වාප්පු ලිපිකරුවකු අල්ලස් හෝ දූෂණ චෝදනා විමර්ශන කොමිසමේ නිලධාරීන් ගේ අත්අඩංගුවට පත්ව ඇත්තේ ඔරුගොඩවත්ත බහාළුම් පර්යන්තයේදීයි.

අල්ලස් කොමිසම පවසන්නේ මීට පෙර ද අදාල වාප්පු ලිපිකරු 1,045,000 ක මුදලක් පැමිණිළිකරුගෙන් අල්ලස් ලෙස ලබාගෙන රේගු නිලධාරීන්ට ලබා දුන් බවට ද පැමිණිලිකාර ව්‍යාපාරිකයා දැනු දී ඇති බවයි.

ඔරුගොඩවත්ත මගී භාණ්ඩ පර්යන්තයේ රේගු නිලධාරීන් ගේ කා‍ර්යාලයේ රාජකා‍රි ලිපි ලේඛන ඇතුලත් කබඩ් එකක් තුල තිබී අපරාධයක් තුලින් උත්පාදනය කළ බවට සැක කෙරෙන රු. 370,000 ක මුදලක් ද රේගු භාරයට ගෙන තිබෙනවා.