ලෝක ආහාර වැඩසටහන යටතේ මාතලේ කුඩා වැව් හා ඇලවේලි සංවර්ධනයට ආධාර
ලෝක ආහාර වැඩසටහන යටතේ කුඩා වැව් හා ඇලවේලි සංවර්ධනය කිරිමේ ව්‍යාපෘතිය සඳහා රුපියල් මිලියන 37ක් මාතලේ දිස්ත්‍රික්කය වෙනුවෙන් ලබාදී තිබෙනවා.
මාතලේ දිස්ත්‍රික් ලේකම් තේජානි තිලකරත්න මහත්මිය විසින් පසුගියදා පැවති දිස්ත්‍රික් සම්බන්ධිකරණ කමිටු රැස්වීමේදී මේ බව සනාථ කර ඇති බව සඳහන්.
මාතලේ දිස්ත්‍රික්කයේ තෝරාගත් ප්‍රාදේශීය ලේකම් කොට්ඨාස තුනක මෙම ව්‍යාපෘතිය ක්‍රියාත්මක කිරීමට සැලසුම් කර තිබෙනවා.
දිස්ත්‍රික් ලේකම් කාර්යාලය, ගොවිජන සේවා දෙපාර්තමේන්තුව හා ප්‍රාදේශීය ලේකම් කාර්යාලය එක්ව මෙම ව්‍යාපෘතිය ක්‍රියාත්මක කරනු ලබන බවයි වාර්තා වන්නේ