වාහන 3ක් ගැටෙයි – පුද්ගලයන් හයක් තුවාල ලබයි
නුවරඑළිය- හැටන් ප්‍රධාන මාර්ගයේ නානුඔය, රදැල්ල කෙටි මාර්ගයේදී වෑන් රථ දෙකක් හා ත්‍රී රෝද රථයක් ගැටීමෙන් අද (30) අනතුරක් සිදුව තිබෙනවා.
නුවරඑළිය නගරයේ සිට දෙස තලවකැලේ නගරයට ධාවනය වු වෑන් රථයක් තවත් වෑන් රථයක ගැටී මාර්ගයෙන් පිටතට පැන පෙරළී ගොස් ඇති අතර වෑන් රථය පෙරෙළෙන අවස්ථාවේ එම මාර්ගයේ නුවරඑළිය දෙසට ගමන් ගත් ත්‍රී රෝද රථයකද ගැටී ත්‍රී රෝද රථයද අනතුරට ලක්ව ඇති බවයි පොලිසිය සඳහන් කළේ.
කරවල ප්‍රවාහනය කරමින් තිබු වෑන් රථයක් පෙරළී මෙසේ අනතුරට ලක්ව ඇති අතර එම වෑන් රථයේ ගමන් ගත් පුද්ගලයන් 4 දෙනෙකු සහ ත්‍රී රෝද රථයේ ගමන් ගත් පුද්ගලයන් 2 නෙකු තුවාල ලබා ප්‍රතිකාර සඳහා නානුඔය ග්‍රාමීය රෝහලට ඇතුලත් කර තිබෙනවා.
