සටන් විරාම යෝජනාව ප්‍රතික්ෂේප කළ අමෙරිකාව
ගාසා තීරයේ ඊශ්‍රායලය සහ හමාස් සංවිධානය අතර හටගත් යුධමය වාතාවරණය අතරවාරයේ දී ක්ෂණික මානුෂීය සටන් විරාමයක් සඳහා යෝජිත එක්සත් ජාතීන්ගේ ආරක්ෂක කවුන්සිලයේ ඉල්ලීම අමෙරිකාව විසින් ප්‍රතික්ෂේප කර තිබෙනවා.
නිෂේධ බලය යොදා ගනිමින් අමෙරිකාව එය ප්‍රතික්ෂේප කර ඇති බව සඳහන් කරන විදෙස් මාධ්‍ය පවසන්නේ එක්සත් අරාබි එමීර් රාජ්‍යය විසින් ඉදිරිපත් කරන ලද කෙටුම්පත් යෝජනාවකට පක්ෂව තවත් සාමාජිකයින් 13 දෙනෙකු ඡන්දය ලබා දුන් අතර බ්‍රිතාන්‍යය ඡන්දය දීමෙන් වැළකී සිටි බවයි.
මාස දෙකක දීර්ඝ යුද්ධයෙන් ගෝලීය තර්ජනයක් පිළිබඳ 15 දෙනෙකුගෙන් යුත් කවුන්සිලයට විධිමත් ලෙස අනතුරු ඇඟවීම සඳහා එක්සත් ජාතීන්ගේ මහලේකම් António Guterres විසින් අදාළ ඡන්ද විමසීම සිදු කර තිබුණා.