සදීර මංගල ටෙස්ට් ශතකය වාර්තා කරයි

සදීර සමරවික්‍රම අයර්ලන්තයට එරෙහිව සිය සිය මංගල ටෙස්ට් ශතකය වාර්තා කර තිබෙනවා.

ඒ, මේ වන විට ගාල්ල ජාත්‍යන්තර ක්‍රීඩාංගණයේ දී පැවැත්වෙන ශ්‍රී ලංකා – අයර්ලන්ත පළමු ටෙස්ට් තරගයේ දෙවැනි දිනයේ දීයි.

සදීර සමරවික්‍රම නොදැවී ලකුණු 104 ක් ලබාගත් අතර ඊට හතරේ පහර 11ක් ඇතුළත්.

ඊට අමතරව දිනේෂ් චන්දිමාල් සිය 14වැනි ටෙස්ට් ශතකය වාර්තා කිරීමට ද අද (17) සමත් වුණා.

අනතුරුව ශ්‍රී ලංකා ඉනිම අත්හිටුවීමට ශ්‍රී ලංකා නායක දිමුත් කරුණාරත්න තීරණය කළ අතර ඒ වන විට ශ්‍රී ලංකා කණ්ඩායම සිය පළමු ඉනිමට කඩුලු 6ක් දැවී ලකුණු 591ක් රැස් කරගෙන සිටියා.